Ad Banner
Ad Banner
Ad Banner
Ad Banner

Meta në Sofje: BE të merr vendim për liberalizimin e vizave për Kosovën

18:09 | 5 Prill 2022
A. B.

Presidenti i Shqipërisë, Ilir Meta gjatë një takimi sot në Sofje me homologun e tij bullgar Rumen Radev ka shprehur mirënjohjen e thellë për mbështetjen e pakursyer dhe të pakushtëzuar që Bullgaria po i jep perspektivës evropiane të Shqipërisë.

Ai me këtë rast ka theksuar se do të ishte shumë i rëndësishëm miratimi i kuadrit negociator për Shqipërinë dhe Maqedoninë e Veriut nga ana e Bashkimit Evropian, sa më parë, ashtu sikurse edhe vendimi për liberalizimin e vizave për qytetarët e Kosovës.

“Këto do të ishin qasje shumë të dobishme dhe strategjike të BE-së, për të dhënë mesazhe premtuese, për të gjithë popujt e Ballkanit Perëndimor, dhe të gjithë ata, të cilët dëshirojnë t’i bashkohen këtij projekti lirie, demokracie dhe paqeje në të ardhmen”, ka shkruar Meta në Facebook. /arbresh.info/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm